Kush është e-rinia

Platforma e-rinia është një platformë digjitale e cila shërben për informimin e rinisë mbi aktivitetet që realizohen nga organizata dhe institucione të ndryshme. Kjo platformë është pjesë e projektit “Angazhimi i të rinjve, një zë për ndikim”. Projekti është financuar nga Departamenti i Shtetit të Shteteve të Bashkuara të Amerikës përmes programit “Alumni Engagement Innovation Fund 2023”, mbështetur nga Ambasada e SHBA-ve në Kosovë, administruar nga KUSA, dhe implementohet nga dy anëtarë të Alumni nga komunat e Ferizajt dhe Drenasit, në partneritet me Organizatën Qendra për Avokim dhe Angazhim Qytetar AdVOICE.

misioni ynë

Misioni ynë është të krijojmë një hapësirë të pasur me mundësi për të rinjtë, ku ata mund të eksplorojnë, të angazhohen dhe të përfitojnë nga aktivitete që zhvillojnë aftësitë dhe interesat e tyre.

E-Rinia synon të jetë platforma kryesore që lidh të rinjtë me mundësi të reja, duke ndihmuar në ndërtimin e një komuniteti të fortë dhe të angazhuar.

Aktivitete Ndërvepruese

E-Rinia është platforma ku të rinjtë mund të eksplorojnë aktivitetet më të reja nga organizatat vendore.

Këtu, ti mund të zbulosh mundësi të ndryshme për të zhvilluar aftësi të reja, të lidhesh me të tjerët dhe të kontribuosh në komunitet. Çdo aktivitet është një mundësi për të mësuar, për t’u rritur dhe për t’u angazhuar në mënyra domethënëse.

Vlerat Themelore

  • Përkushtim ndaj Komunitetit: Ne besojmë në ndërtimin e një komuniteti të fortë dhe të bashkuar.
  • Inovacion dhe Kreativitet: Nxjerrim në pah rëndësinë e mendimit kreativ dhe të zgjidhjes së problemeve.
  • Respekt dhe Bashkëpunim: Respektojmë dhe vlerësojmë diversitetin, duke promovuar bashkëpunimin ndërmjet të rinjve.